Plantun de Prouvènço

Pèr coumpara dos planto d'encò nostre

Sagittaria sagittifolia & Helictochloa versicolor

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Civadoun(-mascariha)

Helictochloa versicolor

Poaceae Graminaceae

Nom en français : Avoine bigarrée.

Descripcioun :
Aquest civadoun, trachis dins li pelouso e roucas de mountagno. Se recounèis à sa paumo (paniculo) courteto (< 7 cm) e mascarihado de verd, brun, vióulet e de jaune. S'atrovo, en generau, uno souleto espigueto pèr nous. La subsp., presentado eici, que ié dison versicolor, vèn dins li sòu séusous coume li relarg à rousage e pulèu dins lou nord dis Aup.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictochloa
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 5 à 7 cm
Flourido : Estiéu

Sòu : Si
Autour basso e auto : 1700 à 3000 m
Aparado : Noun
Juliet à avoust

Liò : Pelouso - Roucas - Relarg à rousage
Estànci : Subaupen à Aupen
Couroulougi : Ouroufito-Sud-Éuroupenco
Ref. sc. : Helictochloa versicolor (Vill.) Romero Zarco, 2011 (= Avenula versicolor (Vill.) Laínz, 1974 = Avena versicolor Vill., 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sagittaria sagittifolia & Helictochloa versicolor

ges

Coumpara Flècho-d'aigo emé uno autro planto

Coumpara Civadoun(-mascariha) emé uno autro planto